ჩვენ მზად ვართ მივანიჭოთ კანდიდატის სტატუსი საქართველოსა და ბოსნია-ჰერცეგოვინას, მას შემდეგ რაც რეფორმები განხორციელდება,- ამის შესახებ ევროპული საბჭოს პრეზიდენტმა, შარლ მიშელმა გერმანიაში, დიდი შვიდეულის სამიტის დაწყების წინ გამართულ პრესკონფერენციაზე განაცხადა.

მიშელის თქმით, უკრაინა-რუსეთს შორის მიმდინარე ომი აყალიბებს ევროკავშირს. 

„ეს ომი ასევე აყალიბებს ევროკავშირს. სულ რამდენიმე დღის წინ, ევროპის საბჭოს ბოლო შეხვედრაზე, ჩვენ შევთანხმდით უკრაინასა და მოლდოვას კანდიდატის სტატუსის მინიჭებაზე. ჩვენ მზად ვართ მივანიჭოთ კანდიდატის სტატუსი ბოსნია-ჰერცეგოვინას და საქართველოს, მას შემდეგ რაც რეფორმები განხორციელდება”,- განაცხადა მიშელმა.

შეგახსენებთ, რომ 23 ივნისს, ბრიუსელში ევროკავშირის სამიტი გაიმართა, რომელზეც ევროპელმა ლიდერებმა 529 ხმით 45-ის წინააღმდეგ მხარი დაუჭირეს რეზოლუციას უკრაინისა და მოლდოვისთვის ევროკავშირის წევრობის კანდიდატის სტატუსის მინიჭების შესახებ. 

ამასთან, 17 ივნისს ევროკომისიის რეკომენდაციით, საქართველოს უნდა მიეცეს ევროპული მომავლის საშუალება, მაგრამ კონკრეტული პირობებით, რომლის შესრულების შემთხვევაში მიეცემა კანდიდატის სტატუსი. ხოლო  რაც შეეხება საქართველოს, გაიცა იგივე რეკომენდაცია, თუმცა სტატუსის გადაცემა მოხდება მხოლოდ მაშინ, როცა საქართველოს მთავრობა დააკმაყოფილებს ევროპული კომისიის დასახულ პრიორიტეტებს. 

აღსანიშნავია, რომ 17 ივნისს უკრაინამ და მოლდოვამ კანდიდატის სტატუსი ყოველგვარი დათქმების გარეშე მიიღეს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს