კიევის რეგიონის ბუჩას მახლობლად სოფელ მიროცკოეში კიდევ ერთი მასობრივი საფლავი აღმოაჩინეს. ამის შესახებ ინფორმაციას კიევის რაიონის პოლიციის უფროსი ანდრეი ნებიტოვი ავრცელებს.

ნებიტოვის ცნობით, რუსეთის ჯარისკაცების პოზიციებზე შვიდი მშვიდობიანი მოქალაქის ცხედარი იპოვეს. მისივე თქმით, მსხვერპლთაგან ბევრს ხელები შეკრული, მუხლები კი დახვრეტილი ჰქონდა.ოკუპანტებმა მშვიდობიანი მოქალაქეები თავში სროლით მოკლეს.

ექსპერტები გარდაცვლილის იდენტიფიცირებას ცდილობენ.

„ეს არის რუსული არმიის კიდევ ერთი სადისტური დანაშაული კიევის რეგიონში! ყოველ წართმეულ სიცოცხლეზე, უკრაინელების ტკივილისა და ტანჯვისთვის, ჩვენი ქალაქებისა და დაბების განადგურებისთვის დამპყრობლებმა პასუხი უნდა აგონ", - განაცხადა  ანდრეი ნებიტოვმა.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ