2022-06-12 16:58:45, 1721 ნახვა
ომი უკრაინაში
უკრაინის პირველმა ლედიმ ლიტვაში ლტოლვილთა ცენტრი გახსნა
უკრაინის პირველმა ლედიმ ოლენა ზელენსკამ ლიტვის დედაქალაქ ვილნიუსში უკრაინელი ლტოლვილებისათვის ცენტრი გახსნა.
უკრაინელ ლტოლვილებს საშუალება ექნებათ ცენტრს დახმარებისა თუ საკომუნიკაციო საკითხებთან დაკავშირებულ პრობლემებზე მიმართონ.
„ჩვენ გვინდოდა, რომ უკრაინელებს, რომლებიც ომის გამო იძულებულნი გახდნენ ლიტვაში ჩასულიყვნენ, ნამდვილი მშობლიური ადგილი ჰქონოდათ. ასე რომ, ცენტრი იქნება ის ადგილი, სადაც შესაძლებელი იქნება მიმართვა ნებისმიერ საკითხზე – დახმარებაზე თუ კომუნიკაციაზე. აქ სწავლა, თავისუფალი დროის გატარება, კულტურულ ღონისძიებასა თუ საგანმანათლებლო კურსში მონაწილეობა“, - განაცხადა ზელენსკამ, რომელიც ცენტრის გახსნას კიევიდან ვიდეოზარის საშუალებით დაესწრო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
