|
2022-06-08 14:31:49, 791 ნახვა
პოლიტიკა
ლელა ჩიქოვანმა ლიეტუველ კოლეგასთან რეგიონული უსაფრთხოების, ნატოში ინტეგრაციისა და ორმხრივი თანამშრომლობის საკითხები განიხილა
საქართველოს თავდაცვის მინისტრის პირველი მოადგილე ლელა ჩიქოვანი ლიეტუვას რესპუბლიკაში იმყოფება. ლელა ჩიქოვანს ლიეტუველმა კოლეგამ - ეროვნული თავდაცვის ვიცე-მინისტრმა მარგირის აბუკევიციუსმა ეროვნულ თავდაცვის სამინისტროში უმასპინძლა. თავდაცვის სამინისტროს ინფორმაციით, კოლეგებმა რეგიონული უსაფრთხოების კუთხით არსებული გამოწვევები და უკრაინის წინააღმდეგ რუსეთის საომარი მოქმედებები განიხილეს. მხარეებმა მადრიდში დაგეგმილი ნატოს სამიტის მოსალოდნელ შედეგებზეც იმსჯელეს. მარგირის აბუკევიციუსმა ქართველ კოლეგას საქართველოს ნატოსა და ევროკავშირში გაწევრიანებისთვის ლიეტუვას მხარდაჭერა გამოხატა. როგორც შეხვედრაზე მან განაცხადა, ლიეტუვის რესპუბლიკა განაგრძობს ნატოს ღია კარის პოლიტიკის მხარდაჭერას, მზად არის საქართველოსთან ორმხრივი თანამშრომლობა გააღრმაოს და გააძლიეროს ლიეტუვას კონტრიბუცია ნატო-საქართველოს არსებითი პაკეტით გათვალისწინებულ ინიციატივებში. ლელა ჩიქოვანმა კი, საქართველოს სახელით კოლეგას მხარდაჭერისთვის მადლობა გადაუხადა და ვიცე-მინისტრი საქართველოში მოიწვია. საქართველოსა და ლიეტუვას შორის თავდაცვის სფეროში თანამშრომლობა ბევრ წელს ითვლის. ორმხრივი თანამშრომლობის სფეროები მოიცავს სამხედრო წვრთნებსა და განათლებას, კიბერუსაფრთხოებას, ერთობლივ სწავლებებს საქართველოსა და ლიეტუვაში, ასევე თანამშრომლობას სახმელეთო ძალების, სპეციალური ოპერაციების ძალებსა და სამხედრო აკადემიებს შორის. ლიეტუვას რესპუბლიკაში ვიზიტის ფარგლებში ლელა ჩიქოვანმა შეხვედრები უკვე გამართა საგარეო საქმეთა სამინისტროსა და სეიმის საგარეო საქმეთა კომიტეტში.
კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო
ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში
ახალი კონფლიქტი: ვარშავამ კიევი ისტორიულ პროვოკაციაში დაადანაშაულა
ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
რუსეთმა და უკრაინამ მშვიდობიანი მოქალაქეები გაცვალეს
ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს
ვიდეო/LIVE პატრიარქის ილია მეორის დაკრძალვა - პირდაპირი
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|


ავტორი: NS (სტატია დაფინანსებულია),



epn.ge (@expressnews.ge)