თბილისის საქალაქო სასამართლოს გადაწყვეტილებით, 6 მოსამართლე აშშ-ში კვალიფიკაციას ვეღარ აიმაღლებს.

მას შემდეგ, რაც „მთავარი არხის" დამფუძნებლის, ნიკა გვარამიას საქმის მოსამართლე ლაშა ჩხიკვაძე აშშ-ის საელჩომ პროგრამიდან მოხსნა, ხელისუფლებამ მიიღო გადაწყვეტილება, რომ ტრენინგზე არც ხათუნა ხარჩილავა, მაია ქოქიაშვილი, ნინო ნაჭყებია, გიზო უბილავა და რომეო ტყეშელაშვილი აღარ წავიდოდნენ.

აღნიშნულთან დაკავშირებით 24 მაისს „ქართული ოცნების“ თავმჯდომარემ, ირაკლი კობახიძემ პარლამენტში განაცხადა, რომ იმ შემთხვევაში თუ მოსამართლეებს ვინმე ვიზიტს გაუუქმებდა, ეს უკუშედეგს გამოიწვევდა.

„რატომ ჰგონიათ, რომ ამერიკაში წასვლა-არ წასვლის გამო,  შესაძლებელია, რომ რომელიმე მოსამართლე ვინმეს გავლენის ქვეშ მოექცეს? ვინმეს მართლაც რომ ეკადრა მოსამართლისთვის ვიზიტის გაუქმება, დარწმუნებული ვარ, ეს პირიქით, უკუშედეგით დასრულდებოდა. ვიზიტს სხვა მოსამართლეებიც გააუქმებდნენ“,- განაცხადა კობახიძემ.

კობახიძის თქმით, საქართველოში ასევე კარგად იციან კოლეგიალობის ფასი, შესაბამისად კოლეგას დისკრიმინაციის შემდეგ ამერიკაში წასვლას არცერთი სხვა მოსამართლე აღარ იკადრებდა.

შეგახსენებთ, რომ ლაშა ჩხიკვაძემ ნიკა გვარამიას პატიმრობა 16 მაისს მიუსაჯა, ხოლო 20 მაისს გავრცელდა ინფორმაცია, რომ აშშ-ს საელჩომ მოსამართლე პროგრამიდან მოხსნა.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს