2022-05-26 17:19:29, 1483 ნახვა
ომი უკრაინაში
რუსი ოკუპანტების ხარკოვის დაბომბის შედეგად 4 ადამიანი დაიღუპა, 7 კი დაიჭრა
რუსმა ოკუპანტებმა ხარკოვი დაბომბეს. - ამის შესახებ ინფორმაციას ხარკოვის რეგიონალური სამხედრო ადმინისტრაციის ხელმძღვანელი ოლეგ სინეგუბოვმი ავრცელებს.
მისივე თქმით, რუსების იერიშებს 4 ადამიანის სიცოცხლე ემსხვერპლა, 7 პირი კი დაშავდა.
"ოკუპანტები რეგიონულ ცენტრს ისევ ბომბავდნენ. წინასწარი ინფორმაციით, დაბომბვის შედეგად 7 ადამიანი დაშავდა. სამწუხაროდ, 4 ადამიანი დაიღუპა. დაღუპულთა და დაშავებულთა შესახებ ინფორმაცია ჯერ კიდევ დგინდება". - ნათქვვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
