ეუთო დაუყოვნებლივ მიიღებს ზომებს უკრაინაში სპეციალური სადამკვირვებლო მისიის დახურვისთვის, - ამის შესახებ ეუთოს მოქმედმა თავმჯდომარემ, პოლონეთის საგარეო საქმეთა მინისტრმა ზბიგნევ რაუმ და ეუთოს გენერალურმა მდივანმა ჰელგა მარია შმიდმა განაცხადეს.

როგორც მარია შმიდმა აღნიშნა, ეს არ იყო მარტივი გადაწყვეტილება, თუმცა რუსეთის ქმედებებმა "სხვა გზა არ დატოვა" 

„ეუთო დაუყოვნებლივ მიიღებს ოპერატიულ, ადმინისტრაციულ და ფინანსურ ნაბიჯებს მისიის პასუხისმგებლობით და მინიმალური ხარჯებით დახურვის მიზნით, ხოლო მისიის წევრების უსაფრთხოება მთელ უკრაინაში პრიორიტეტად დარჩება.

ეს არ არის იოლი გადაწყვეტილება. ჩვენ გამოვიკვლიეთ ყველა შესაძლო ვარიანტი მონაწილე სახელმწიფოებთან პოლიტიკური დიალოგის გზით, რათა მივაღწიოთ სპეციალური სადამკვირვებლო მისიის მანდატის გაფართოებას, მაგრამ რუსეთის ფედერაციის პოზიციამ სხვა გზა არ დაგვიტოვა. ნაბიჯები მისიის დახურვისთვის“, - ხაზგასმით აღნიშნა შმიდმა.

ამავდროულად, ეუთო შეეცდება გააგრძელოს თავისი საქმიანობა უკრაინაში არსებული ვალდებულებების შესაბამისად. 

შეგახსენებთ, რომ ეუთოს სპეციალური სადამკვირვებლო მისია უკრაინაში, რომელიც შედგება შეუიარაღებელი მშვიდობიანი დამკვირვებლებისგან, შეიქმნა 2014 წლის მარტში. მისი მიზანი იყო სიტუაციის მონიტორინგი როგორც დონბასში, ასევე მთელ უკრაინაში. 

2022 წლის თებერვალში, უკრაინაში რუსეთის სრულმასშტაბიანი შეჭრის წინა დღეს, დასავლეთის ქვეყნებიდან ეუთოს დამკვირვებლების 60%-ზე მეტი და უკრაინელი თანამშრომლების 40%-ზე მეტი წავიდა შვებულებაში , მიუხედავად ამისა, მისიამ მუშაობა განაგრძო.

მარტის დასაწყისში ეუთოს სპეციალურმა სადამკვირვებლო მისიამ რუსეთის მიერ ოკუპირებული დონეცკიდან და ლუგანსკიდან საერთაშორისო დამკვირვებლების ევაკუაცია მოახდინა.

24 აპრილს ეუთომ გამოაცხადა ოკუპირებულ დონეცკსა და ლუგანსკში მისი რიგი თანამშრომლების უკანონო დაკავების შესახებ.

ავტორი: ექსპრესნიუსი,

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე