2022-04-09 17:51:23, 1672 ნახვა
პოლიტიკა
ანატოლი ბიბილოვი დარწმუნებულია, რომ საქართველო სამხრეთ ოსეთში რუსეთის წინააღმდეგ „მეორე ფრონტს“ არ გახსნის
ოკუპირებული სამხრეთ ოსეთის მარტიონეტი პრეზიდენტი, ანატოლი ბიბილოვი დარწმუნებულია, რომ საქართველო, „თუნდაც აშშ-ის ზეწოლის მიუხედავად, სამხრეთ ოსეთში რუსეთის წინააღმდეგ მეორე ფრონტს არ გახსნის".
„არ ვფიქრობ, რომ საქართველო დაემორჩილება ზეწოლას, რომელიც სერიოზულ პრობლემებს იწვევს თავად საქართველოსთვის. მე ვერ ვხედავ მიზეზს, რატომ შეიძლება გახსნას საქართველომ რაიმე სახის "მეორე ფრონტი", - განუცხადა ბიბილოვმა TASS-ს.
ბიბილოვმა დასძინა, რომ თუ საქართველო "მეორე ფრონტს" გახსნის - ეს იქნება სამი ფრონტი: სამხრეთ ოსეთი, აფხაზეთი და რუსეთი, რაც ბიბილოვის თქმით, "საქართველოსთვის კარგად არის გასაგები".
ავტორი: ექსპრესნიუსი,
epn.ge (@expressnews.ge)
