2022-04-08 22:30:05, 1095 ნახვა
პოლიტიკა
სალომე ზურაბიშვილი - რუსეთის სიმხეცე კრამატორსკში, ენით აღუწერელი ხოცვა, ბნელ ფურცლად დარჩება
საქართველოს პრეზიდენტი სალომე ზურაბიშვილი, "ტვიტერზე" კრამატორსკში ოკუპანტი რუსეთის მიერ ჩადენილ სისასტიკეს ეხმაურება და წერს, რომ ეს ენით აღუწერელი ხოცვა-ჟლეტა ადამიანის უფლებების დარღვევაა.
მისივე თქმით, ასეთი ძალადობა კაცობრიობის ისტორიაში ბნელ ფურცლად დარჩება.
„ამგვარი ძალადობა დარჩება ბნელ ფურცლად კაცობრიობის ისტორიაში. ჩადენილია კაცობრიობის წინააღმდეგ ძალიან ბევრი დანაშაული. დიდება უკრაინას“, – წერს სალომე ზურაბიშვილი.
ცნობისთვის, დონეცკის ოლქის ქალაქ კრამატორსკში, რკინიგზის სადგურზე რუსეთის ძალებმა სარაკეტო დარტყმები განახორციელეს. უკრაინული მედიის ცნობით, იერიშის შედეგად დაიღუპა 30 და დაშავდა 100-ზე მეტი ადამიანი.
ავტორი: ექსპრესნიუსი,
epn.ge (@expressnews.ge)
