2022-03-30 11:07:06, 851 ნახვა
მსოფლიო
The Times - ბორის ჯონსონს სურს, უკრაინას „უფრო მომაკვდინებელი“ იარაღი მიაწოდოს
დიდი ბრიტანეთის პრემიერ-მინისტრმა ბორის ჯონსონმა განაცხადა, რომ სურს უკრაინას „უფრო მომაკვდინებელი“ სამხედრო დახმარება გაუწიოს. ამის შესახებ ინფორმაციას The Times-ი ავრცელებს.
თავდაცვის შტაბის უფროსმა, ადმირალმა სერ ტონი რადაკინმა ბრიფინგზე განაცხადა, რომ კონფლიქტი გადაიზარდა „უფრო ტრადიციულ ომში“, რადგან უკრაინა რუსული ძალების მოგერიების მცდელობიდან ტერიტორიის დაკავებასა და აღებაზე გადავიდა.
The Times-ის წყარომ უარი თქვა, გაემხილა თუ რა ახალი აღჭურვილობა გაიგზავნება უკრაინაში. მაგრამ აღნიშნა, რომ ის არ იქნება ტანკები ან სხვა აღჭურვილობა, რადგან მოსკოვი მათ მიიჩნევს როგორც თავდასხმის საშუალებას და არა თავდაცვის.
ავტორი: ექსპრესნიუსი,
epn.ge (@expressnews.ge)
