რუსეთის პრეზიდენტმა ვლადიმერ პუტინმა განაცხადა, რომ უკრაინაში სამხედრო ოპერაცია მხოლოდ იმ შემთხვევაში შეჩერდება, თუ კიევი შეწყვეტს წინააღმდეგობას და შეასრულებს კრემლის ყველა მოთხოვნას. ამის შესახებ ინფორმაციას კრემლის პრესსამსახური ავრცელებს.

მათივე ცნობით, პუტინმა ტელეფონით უთხრა თურქეთის პრეზიდენტ თაიფ ერდოღანს, რომ უკრაინის მომლაპარაკებლებმა უნდა გამოიჩინონ უფრო „კონსტრუქციული“ მიდგომა მოსკოვთან მოლაპარაკებებზე, რათა გაითვალისწინონ ადგილზე არსებული რეალობა.

პუტინმა ასევე თქვა, რომ მისი „სპეციალური ოპერაცია“ უკრაინაში გეგმისა და განრიგის მიხედვით მიდიოდა და ხაზგასმით აღინიშნა, რომ "სპეცოპერაციის შეჩერება შესაძლებელია მხოლოდ იმ შემთხვევაში, თუ კიევი შეწყვეტს სამხედრო ოპერაციებს და შეასრულებს რუსეთის ცნობილ მოთხოვნებს“, - აცხადებენ კრემლში.

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი ოპერაციის დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალები უკრაინას სხვადასხვა მიმართულებიდან უტევენ.

ავტორი: ექსპრესნიუსი,

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ