2022-03-01 19:56:40, 578 ნახვა
მსოფლიო
ურსულა ფონ დერ ლეიენი - ევროკომისია მზადაა, საქართველოსთან თანამშრომლობა გააძლიეროს
ევროკომისიის პრეზიდენტი, ურსულა ფონ დერ ლეიენი „მიმდინარე კრიზისის განსახილველად“ საქართველოს პრეზიდენტ, სალომე ზურაბიშვილს შეხვდა.
მისი თქმით, ევროკავშირი მზადაა, კიბერუსაფრთხოების, სტრატეგიული კომუნიკაციისა და ჰიბრიდული საფრთხეების საკითხებში, საქართველოსთან თანამშრომლობა გააძლიეროს.
„მიმდინარე კრიზისის განსახილველად საქართველოს პრეზიდენტს შევხვდი. ევროკავშირი დგას საქართველოს გვერდით, მხარს უჭერს მის სუვერენიტეტსა და გამძლეობას ამ რთულ დროს. ჩვენ მზად ვართ გავაძლიეროთ თანამშრომლობა, მათ შორის, კიბერუსაფრთხოების, სტრატეგიული კომუნიკაციისა და ჰიბრიდული საფრთხეების საკითხებში“, - წერს რსულა ფონ დერ ლეიენი „ტვიტერ“-ზე.
ავტორი: ექსპრესნიუსი,
epn.ge (@expressnews.ge)
