აჭარის მთავრობის სარეზერვო ფონდიდან უკრაინის დამეგობრებული ოლქების და ქალაქების დასახმარებლად ფინანსური დახმარება გამოიყოფა. ამბის შესახებ ინფორმაციას აჭარის მთავრობა ავრცელებს.

უწყების ცნობით, აღნიშნული თანხით მოხდება სამედიცინო დახმარების საგნების, მედიკამენტების შესყიდვა და უკრაინული მხარისთვის გადაცემა. აჭარის მთავრობას აქვს აქტიური კომუნიკაცია დამეგობრებულ უკრაინულ რეგიონებთან  და ჰუმანიტარული ტვირთის შეძენაც მათი საჭიროებების მიხედვით იგეგმება.

,,მეგობარი უკრაინული ქალაქებისთვის ჰუმანიტარული დახმარების პროცესში ჩაერთვებიან ბათუმი, ქობულეთი, ხელვაჩაური, ქედა, შუახევი და ხულო. აჭარის მუნიციპალიტეტების მერიების მხრიდან გამოიყოფა ფინანსური რესურსები უკრაინელი ხალხისთვის პირველადი მოხმარების აუცილებელი ნივთების შესაძენად.

აჭარის მთავრობის სარეზერვო ფონდიდან და მუნიციპალიტეტებიდან 200 ათასი ლარის მობილიზება განხორციელდება.

აჭარის ტურიზმის დეპარტამენტს დაევალა უკრაინელი ვიზიტორების მასპინძლობისა და სხვადასხვა სერვისებით უზრუნველყოფა", - აღნიშნულია განცხადებაში.

ავტორი: NS (სტატია დაფინანსებულია),

სოციალური ქსელები

გზების დეპარტამენტი: საქართველოში ფასიანი გზები არ იქნება

წილოსანი: არავინ დაბულინგდება, რომ ივანიშვილის შექება მოგვერიდოს

აშშ-ში ქართველი მიგრანტი ICE-ის პატიმრობაში გარდაიცვალა

შსს-მ ნარკოდანაშაულის ბრალდებით 119 პირი დააკავა, მათ შორის 49 ნარკორეალიზატორია