2022-02-08 18:25:22, 633 ნახვა
საზოგადოება
ბოტანიკურ ბაღში საბავშვო სივრცის რეაბილიტაცია დასრულდა
საქართველოს ეროვნულ ბოტანიკურ ბაღში, ცენტრალური შესასვლელის მიმდებარედ, ისტორიულ არბორეტუმთან განახლებული საბავშვო სივრცე მოეწყო. მოედანზე სხვადასხვა ასაკობრივი ჯგუფისთვის განკუთვნილი გასართობი ატრაქციონი და შემეცნებითი-ეკოსაგანმანათლებლო აბრები განთავსდა. ამბავს თბილისის მერია ავრცელებს.
უწყების ცნობით, საბავშვო სივრცის გახსნაზე ბოტანიკურმა ბაღმა „ბასტი-ბუბუს“ ჯგუფს უმასპინძლა. სტუმრებს ბოტანიკურ ბაღში შემეცნებითი ექსკურსია ჩაუტარდათ, რის შემდეგაც, მათ ეკოსაგანმანათლებლო აქტივობებში მიიღეს მონაწილეობა და სიმბოლური საჩუქრებით დასაჩუქრდნენ.
„ახალი საბავშვო სივრცე ბოტანიკური ბაღისთვის დამთვალიერებელთა მოზიდვის თვალსაზრისით, დამატებითი შესაძლებლობაა“, - აღნიშნულია განცხადებაში.
ავტორი: NS (სტატია დაფინანსებულია),
epn.ge (@expressnews.ge)
