აშშ-ის ელჩის ლინდა თომას-გრინფილდის განცხადებით, უკრაინის საზღვართან შექმნილი ვითარების განსახილველად, გაერო-ს უშიშროების საბჭოს სხდომას იწვევს. ​სხდომა 31 იანვარს გაიმართება.

​„უკრაინასთან და უშიშროების საბჭოში პარტნიორებთან მჭიდრო კონსულტაციების კვირების შემდეგ, აშშ იწვევს უშიშროების საბჭოს ღია შეხვედრას საერთაშორისო მშვიდობისა და უსაფრთხოებისთვის უკიდურესად მნიშვნელოვანი საკითხის განსახილველად. 100 000-ზე მეტი რუსი ჯარისკაცი განლაგებულია უკრაინის საზღვარზე და რუსეთი სხვა დესტაბილიზაციის აქტებს ახორციელებს, რაც აშკარა საფრთხეს უქმნის საერთაშორისო მშვიდობასა და უსაფრთხოებას და გაეროს წესდებას", - აღნიშნულია ელჩის განცხადებაში. 

ლინდა თომას-გრინფილდის თქმით, უშიშროების საბჭოს წევრებმა გულდასმით უნდა შეისწავლონ ფაქტები და განიხილონ, თუ რა დევს სასწორზე უკრაინისთვის, რუსეთისთვის და ევროპისთვის.

„უშიშროების საბჭოს წევრებმა გულდასმით უნდა შეისწავლონ ფაქტები და განიხილონ, თუ რა დევს სასწორზე უკრაინისთვის, რუსეთისთვის, ევროპისთვის და ასევე საერთაშორისო წესრიგის ძირითადი ვალდებულებებისა და პრინციპებისთვის, თუ რუსეთი კვლავ შეიჭრება უკრაინაში", - აღნიშნულია ელჩის განცხადებაში.

ავტორი: ექსპრესნიუსი,

სოციალური ქსელები

ბაზისბანკის და საბვეის გემრიელი, ჯანსაღი და საიმედო პარტნიორობა

ევროპაში სიცხეებმა ჩინურ კონდიციონერებზე მოთხოვნის მკვეთრი ზრდა გამოიწვია

1-ელი სექტემბრიდან მანქანების ხმაურის დონეს პორტატული აპარატურით შეამოწმებენ, ჯარიმებს შესაბამისად გამოწერენ

"ივანიშვილი არის დასამხობი" - ამ ფრაზისთვის ახალაიას 2 წლითა და 6 თვით პატიმრობა მიესაჯა