2022-01-26 17:44:57, 778 ნახვა

---

მამუკა მდინარაძე - უკრაინის მხარდამჭერი რეზოლუციის ტექსტზე ოპოზიციასთან შეჯერება ვერ მოხერხდა, ყველა სიტყვა საქართველოს ინტერესებიდან გამომდინარეობს

უკრაინის მხარდამჭერი რეზოლუციის ტექსტზე ოპოზიცია და "ქართული ოცნება" ვერ შეთანხმდა.

ფრაქცია „ქართული ოცნების“ თავმჯდომარის მამუკა მდინარაძის განცხადებით, ტექსტში 5-6 შენიშვნიდან 2 იყო გათვალისწინებული.

მისივე თქმით "ოცნების" ტექსტში, ყველა სიტყვა საქართველოს ეროვნული ინტერესებიდან გამომდინარეობს.
 
"რეზოლუციის ტექსტში 5-6 შენიშვნიდან 2 იყო გათვალისწინებული და 4 არა, სხვა ვერსია თუ ჰქვია ამას, კი ბატონო. ყოველთვის სჯობს, იყოს მრავალპარტიული და მგონია, საბოლოო ჯამში მათ მხარი უნდა დაუჭირონ ამას, რადგან აქ თითოეული სიტყვა არის გაზომილი და არც ერთი ფრაზა არ არსებობს, რომ იყოს სადაო", - განაცხადა მამუკა მდინარაძემ.

საპარლამენტო ოპოზიცია არ გამორიცხავს,  რომ ოპოზიციამ უკრაინის მხარდამჭერი ალტერნატიული რეზოლუციის პროექტი დაარეგისტრიროს.

"პირველ ვერსიაში და მათ შორის, შენიშვნების შემდეგ ნახსენები იყო რუსეთი, მაგრამ შემდეგ ტექსტის ის ცვლილებები, რაც მე მქონდა და ჩემს კოლეგებს, ეს ცვლილებები არ იყო გათვალისწინებული, ამიტომ როგორც ჩანს „ქართული ოცნება“ მოახდენს თავისი ვარიანტის ინიცირებას, ამიტომ ჩვენ არ გამოვრიცხავთ იყოს ჩვენი ალტერნატიული ვერსია, ან კომიტეტზე განვიხილოთ და საჯაროდ წარვუდგინოთ საზოგადოებას რაში არ ვეთანხმებით ამ რეზოლუციის ტექსტს", - განაცხადა დეკანოიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი