2022-01-18 14:32:57, 828 ნახვა
მსოფლიო
მარტიდან ავსტრია არავაქცინირებულებს 3 600-მდე ევროთი დააჯარიმებს
ავსტრია არავაქცინირებულებისთვის ჯარიმებს მარტიდან გაამკაცრებს - ამის შესახებ კანცლერმა კარლ ნეჰამერმა განაცხადა.
ავსტრიის ლიდერმა ჟურნალისტებს განუცხადა რომ 3,600 ევროს (4,108 დოლარი) ოდენობის ჯარიმები ემუქრება იმ ადამიანებს, რომლებსაც აცრა არ სურთ.
წესები ქვეყანაში მცხოვრებ ყველა ზრდასრულზე გავრცელდება, გარდა იმ შემთხვევებისა, ვისაც ჯანმრთელობის პრობლემების გამონაკლისი შემთხვევა აქვთ.
ავსტრიის მთავრობის ინფორმაციით, პირველ ეტაპზე არავაქცინირებული ადამიანი წერილობით შეტყობინებას მიიღებს მარტიდან კი პოლიცია ვაქცინის სტატუსის შემოწმებას დაიწყებს და საჭიროების შემთხვევაში ჯარიმას დაწერს.
ავტორი: ექსპრესნიუსი,
epn.ge (@expressnews.ge)
