2022-01-17 10:09:51, 739 ნახვა
მსოფლიო
მედია – ჩრდილოეთ კორეამ, სავარაუდოდ, ორი ბალისტიკური რაკეტა ისროლა
ჩრდილოეთ კორეამ, სავარაუდოდ, მოკლე მანძილზე მოქმედი ორი ბალისტიკური რაკეტა ისროლა, – აღნიშნულის შესახებ ინფორმაციას უცხოური მედიასაშუალებები ავრცელებენ.
მათივე ცნობით, ჩრდილოეთ კორეის მიერ რაკეტების გასროლის ფაქტს, სამხრეთ კორეასა და იაპონიაში ადასტურებენ.
იაპონიის თავდაცვის მინისტრმა ნობუო კიშიმ განაცხადა, რომ რაკეტები, როგორც ჩანს, ოკეანეში, ჩრდილოეთ კორეის აღმოსავლეთ სანაპიროსთან, ჩაეშვნენ. გარდა ამისა, იაპონიის მთავრობამ რაკეტების გაშვება დაგმო და რეგიონული მშვიდობის, უსაფრთხოების საფრთხე უწოდა.
ცნობისთვის, მიმდინარე თვეში ეს ჩრდილოეთ კორეის მიერ ჩატარებული მეოთხე სარაკეტო გამოცდაა.
ავტორი: ექსპრესნიუსი,
epn.ge (@expressnews.ge)
