„საქართველოს დემოკრატიული ინიციატივა“ (GDI) „თბილისი პრაიდის" ოფისზე თავდასხმის ფაქტზე ბრალდებულების გირაოთი გათავისუფლებას ეხმაურება და აღნიშნავს, რომ სასამართლოს მიერ მიღებული გადაწყვეტილება ხელისუფლების ერთიანი პოლიტიკის ნაწილია - უარი თქვას სიძულვილით მოტივირებული დანაშაულების წინააღმდეგ სათანადოდ ბრძოლაზე და მოძალადეების დასჯაზე. 

GDI-ის ცნობით, დღევანდელი გადაწყვეტილება განსაკუთრებით საგანგაშოა იმ ფონზე, როდესაც მოძალადეთა გათავისუფლებას დიდი ხანია ითხოვენ ძალადობრივი ჯგუფები, მათ შორის ალტ-ინფო. მსგავსი მოწოდებებით აქცია დაანონსდა 24 დეკემბერსაც, ამგვარი თანადროული პროცესი კი, დამატებით კითხვებს აჩენს სახელმწიფოს რეალურ ზრახვებთან დაკავშირებით.

„შეგახსენებთ, რომ დღეს თბილისის საქალაქო სასამართლომ 5 ივლისს „თბილისი პრაიდის" ოფისზე თავდასხმაში ბრალდებული სამი პირი 5000-5000 ლარიანი გირაოს სანაცვლოდ გაათავისუფლა დარბაზიდან. მათ ჩამოერთვათ პასპორტები, აეკრძალათ პრაიდის ორგანიზატორებთან მიახლოება და დაევალათ ყოველკვირეული გამოცხადება პოლიციაში. სასამართლომ ჩათვალა, რომ აღნიშნული ღონისძიებები მიზანშეწონილი და საკმარისი იყო მართლმსაჯულების განსახორციელებლად. მიუხედავად აღნიშნული შემაკავებელი ღონისძიებებისა, ვფიქრობთ მნიშვნელოვანი იყო სასამართლოს მხედველობაში მიეღო ის რისკები, რომელიც დაკავშირებულია პრაიდის ორგანიზატორებისა და ზოგადად ლგბტ თემის მიმართ გახშირებულ თავდასხმებთან და ძალადობრივი ჯგუფების მუდმივ მოწოდებებთან, რომელიც ქნის მსგავსი ძალადობრივი ქმედებების განმეორების რეალურ საფრთხეს“, - წერია განცხადებაში.

„თუ პრაიდის ორგანიზატორებს და ამ მედია პროპაგანდისტებს ისევ ექნებათ იგივე ამბიციები, მე ჩემს აზრს გეუბნებით, რომ ეს რაც 5-ში მოხდა, ბევრად უფრო მძიმე ფორმებში დატრიალდება. ეს არის რეალობა, რაც მოხდება, მუქარა არ არის.. რაც 5-ში მოხდა, იმაზე უფრო მძიმე ფორმები იქნება სავარაუდოდ..."-განაცხადა დღეს „ალტ-ინფოს" დამფუძნებელმა და პარტია „კონსერვატიული მოძრაობის" წევრმა კონსტანტინე მორგოშიამ“.

GDI იუწყება, რომ ისინი აგრძელებენ 5 ივლისს დაზარალებული აქტივისტებისა და ორგანიზაცია „თბილისი პრაიდის"  სამართლებრივ დახმარებას.

ავტორი: ექსპრესნიუსი,

სოციალური ქსელები

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა