გერმანიაში დაკავებული, გენერალ გიორგი კალანდაძის დაცვის საქმეში უკრაინელი კონსულები ჩაერთნენ. 

უკრაინული გამოცემა „უკრაინსკაია პრავდას“ ინფორმაციით, ამის შესახებ უკრაინის საგარეო საქმეთა სამინისტროს სპიკერმა ოლეგ ნიკოლენკომ განაცხადა.

უკრაინის საგარეო უწყების წარმომადგენლის თქმით, კალანდაძეს უკრაინის მოქალაქეობა აქვს.

„უკრაინის საელჩო გერმანიაში ინფორმირებულია 19 დეკემბერს ბერლინ-ბრანდერბურგის აეროპორტში უკრაინის მოქალაქის გიორგი კალანდაძის დაკავების შესახებ“, – აღნიშნა ნიკოლენკომ.

ცნობისთვის, გიორგი კალანდაძემ, რომელიც ბერლინის აეროპორტში 19 დეკემბერს დააკავეს, უკრაინის მოქალაქეობა 2019 წლის 20 დეკემბერს პრეზიდენტ ზელენსკის განკარგულებით მიიღო. ქართული მხარე მას ელბერტ კობერიძის უკანონოდ თავისუფლების აღკვეთასა და წამებაში მონაწილეობას ედავება,  რაც 12-დან 17 წლამდე პატიმრობას ითვალისწინებს. გიორგი კალანდაძემ საქართველო 2012 წელს დატოვა. 

ავტორი: ექსპრესნიუსი,

სოციალური ქსელები

ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში

პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს

თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა

ბათუმში სამსართულიან საცხოვრებელ სახლში ხანძარია