2021-12-15 11:38:23, 2246 ნახვა
ომი უკრაინაში
ივანე ჩხაიძე ვარაუდობს, რომ საქართველოში „ომიკრონის” შტამი დეკემბერში დაფიქსირდება
იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის განცხადებით, საქართველოში კორონავირუსის ახალი "ომიკრონ" შტამი, სავარაუდოდ, დეკემბერში დაფიქსირდება.
როგორც ივანე ჩხაიძემ „მთავარი არხის“ ეთერში განაცხადა, "ომიკრონის" წინააღმდეგ ეფექტურია ვაქცინის სამი დოზა.
"როდესაც ვლაპარაკობთ დაფიქსირდება თუ არა "ომიკრონი" საქართველოში, ალბათ დაფიქსირდება და სავარაუდოდ, ეს იქნება დეკემბრის თვეში. შესაძლებელია უკვე იყოს კიდეც ქვეყანაში. საფრთხეები გამომდინარეობს გავრცელების სისწრაფიდან. "ომიკრონის" წინააღმდეგ ეფექტურია ბუსტერ დოზა. ქვეყანა ისევ არის მეხუთე ტალღაში და ის მოლოდინი რაც გვაქვს, გულისხმობს შემთხვევების მატებას. უნდა გააქტიურდეს ვაქცინაცია.", - განაცხადა ივანე ჩხაიძემ.
ავტორი: ექსპრესნიუსი,
epn.ge (@expressnews.ge)
