თავისუფლების მოედნიდან რესპუბლიკის მოედნამდე ცოცხალი ჯაჭვი მოეწყო

2021-11-23 17:48:35, 2048 ნახვა

პოლიტიკა

თავისუფლების მოედნიდან რესპუბლიკის მოედნამდე ცოცხალი ჯაჭვი მოეწყო - ვიდეო

ვარდების რევოლუციიდან 18 წლის შემდეგ, მორიგი საპროტესტო მსვლელობა თავისუფლების მოედნიდან რესპუბლიკის მოედნამდე მოეწყო.

საქართველოს მესამე პრეზიდენტის, მიხეილ სააკაშვილის მხარდამჭერებმა და სამოქალაქო აქტივისტებმა ცოცხალი ჯაჭვი შეკრეს. მათ ადგილზე მიტანილი აქვთ წითელი ვარდები.

"2003 წლის 23 ნოემბრის შემდეგ საქართველო გახდა ქვეყანა კორუფციის გარეშე. ახალგაზრდებს მიეცათ შესაძლებლობა, უმაღლესი განათლება “ჩაწყობის” გარეშე მიეღოთ. დარიგდა გაყინული და გაზრდილი პენსიები, მივიღეთ, საპატრულო პოლიცია - რუსული “გაის” ნაცვლად, გაწვრთნილი ჯარი - მშიერი ჯარის ნაცვლად, წესრიგი - კრიმინალის ნაცვლად, აღმშენებლობა - სიბნელის ნაცვლად, აჭარა ასლანის გარეშე, რეფორმები - უძრაობის ნაცვლად და რაც მთავარია, დასავლეთი - რუსეთის ნაცვლად", – აცხადებდნენ აქციის ორგანიზატორები.