2021-11-07 12:20:12, 829 ნახვა
საზოგადოება
ხოშტარიას პირადი ექიმი - სასიცოცხლო პარამეტრები ოდნავ შეიცვალა, მაგრამ ნორმის ფარგლებში რჩება
პარტია „დროას“ ლიდერი, ელენე ხოშტარია, რომელიც პარლამენტის შენობაში მე-5 დღეა შიმშილობს, პირადმა ექიმმა მოინახულა.
მაია ცანავას თქმით, მისი ჯანმრთელობის მდგომარეობა დამაკმაყოფილებელია, თუმცა სასიცოცხლო პარამეტრები ოდნავ შეიცვალა.
„ამ ეტაპზე ელენეს მდგომარეობა დამაკმაყოფილებელია. გუშინდელთან შედარებით, თავს ოდნავ სუსტად გრძნობს. სასიცოცხლო პარამეტრები ოდნავ შეიცვალა, მაგრამ ნორმის ფარგლებში რჩება. იღებს სითხეს, მედიკამენტებს, ვიტამინებს და მსგავს რამეს არ იღებს. დინამიკაში მდგომარეობა, რა თქმა უნდა, შეიცვლება და შესაძლებელია დადგეს დამატებითი კვლევების, მედიკამენტოზური მკურნალობის საჭიროება“, - ამბობს ხოშტარიას პირადი ექიმი.
ავტორი: ექსპრესნიუსი,
epn.ge (@expressnews.ge)
