უკრაინის უმაღლესი რადის დეპუტატი და მიხეილ სააკაშვილის ამჟამინდელი მეუღლე ლიზა იასკო ქვეყნის ექს-პრეზიდენტს მე-12 პენიტენციურ დაწესებულებაში შეხვდა.

როგორც სააკაშვილთან შეხვედრის შემდეგ ლიზა იასკომ ჟურნალისტებს განუცხადა, მიხეილ სააკაშვილის ჯანმრთელობის მდგომარეობა და სიცოცხლე საფრთის ქვეშაა, რაც მისივე თქმით, ძალიან საშიშია.

ჟურნალისტის შეკითხვაზე, როგორია უკრაინული მხარის პოზიცია და იგეგმება თუ არა სააკაშვილის კიევში ექსტრადირება, იასკო აცხადებს, რომ ის მუდმივ კონტაქტზეა უკრაინის მხარესთან და ხორციელდება მონიტორინგი.

„ჩვენ გვჭირდება ცოცხალი და ჯანმრთელი მიხეილ სააკაშვილი. ჩემი ამოცანაა, გვერდში დავუდგე მას და გადავცე უკრაინული მხარის მხარდაჭერა, მას უკრაინა გვერდში უდგას. ჩვენ ვიმყოფებით მუდმივად კონტაქტზე უკრაინულ მხარესთან, ვახორციელებთ მონიტორინგს და ძალიან გვინდა, რომ მიხეილ სააკაშვილი იყოს უკრაინაში, მაგრამ ახლა ვხვდებით, რომ ის, როგორც უკრაინის მოქალაქე დაკავებულია აქ, საქართველოში და მისი ჯანმრთელობის მდგომარეობა და სიცოცხლე საფრთხის ქვეშაა, ეს ძალიან საშიშია. 22-ე დღეა შიმშილობს, ყველა შემთხვევაში, მისი ჯანმრთელობის მდგომარეობა სერიოზულად რთულდება, მე მეშინია, რომ შემდეგ ჯერზე, როცა შევხვდებით, არ ვიცი, როგორ მდგომარეობაში იქნება“, - განაცხადა ლიზა იასკომ.

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.