დევნილთა სამინისტრო - წლის ბოლომდე, თბილისში 60 დევნილ ვეტერანთა ოჯახს ბინას გადავცემთ

2021-10-17 15:56:58, 654 ნახვა

საზოგადოება

დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა, ბესარიონ სიმონიშვილმა მოსახელობას ვეტერანთა დღე მიულოცა.

მისი თქმით, ვეტერანი დევნილებისთვის ღირსეული საცხოვრებელი პირობების შექმნის მიზნით, თბილისში 60 დევნილ ვეტერანთა ოჯახს წლის ბოლომდე ბინა გადაეცემათ.

"17 ოქტომბერს ვეტერანის დღე აღინიშნება. თითოეულ ვეტერანს ვულოცავ ამ დღეს და კიდევ ერთხელ, განსაკუთრებულ მადლობას ვუხდი სამაგალითო თავდადებისათვის. ქვეყნის წინაშე მათი დამსახურების გათვალისწინებით, 2020 წლიდან, ვეტერანი დევნილებისთვის ღირსეული საცხოვრებელი პირობების შექმნის მიზნით, სპეციალურ პროექტს ვახორციელებთ. წელს, ვეტერან დევნილთა ოჯახებს 160 ბინა უკვე გადავეცით ზუგდიდსა და ქუთაისში და წლის ბოლომდე, თბილისში კიდევ 60 ოჯახს განვასახლებთ."- ამბობს ბესარიონ სიმონიშვილი.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),