აშშ-ს პრეზიდენტმა ჯო ბაიდენმა მიულოცა "ნოვაია გაზეტას" მთავარ რედაქტორ დიმიტრი მურატოვს და ფილიპინელ-ამერიკელ ჟურნალისტს მარია რესს მშვიდობის დარგში ნობელის პრემიის მინიჭება. ამის შესახებ, შეტყობინება თეთრი სახლის ვებგვერდზე გამოქვეყნდა.

”მსოფლიოს მრავალი ჟურნალისტის მსგავსად, რესა და მურატოვი შეუპოვრად და უშიშრად მისდევდნენ ფაქტებს. ისინი მუშაობდნენ ძალაუფლების ბოროტად გამოყენების შესამოწმებლად, კორუფციის გამოსავლენად და გამჭვირვალობის მოთხოვნით “, - განაცხადა ბაიდენმა. მან დასძინა, რომ რესა და მურატოვმა შექმნეს დამოუკიდებელი მედია საშუალებები და დაიცვეს ისინი მათგან, ვინც ცდილობდა მათ გაჩუმებას.

”თავისუფალი პრესის ძირითადი პრინციპების დაცვისთვის - პრინციპები, რომლებიც აუცილებელია ჯანსაღი დემოკრატიისთვის - მათ შეექმნათ მუდმივი მუქარა, შევიწროება და დაშინება, სასამართლო პროცესები და მურატოვის შემთხვევაში კოლეგების სიკვდილიც კი”, - თქვა ბაიდენმა.

2021 წლის ნობელის პრემია მშვიდობის დარგში ჟურნალისტებს მარია რესას და დმიტრი მურატოვს გადაეცათ.

"მარია რესას და დმიტრი მურატოვს სიტყვის თავისუფლების, როგორც დემოკრატიული სამყაროს არსებობის ერთ-ერთი მთავარი ფაქტორის, დაცვაში შეტანილი წვლილისთვის ნობელის პრემია გადაეცემათ". – წერია ნობელის პრემიის გამცემი კომიტეტის განცხადებაში. 

დმიტრი მურატოვი რუსი ჟურნალისტი, რედაქტორი და ტელეწამყვანია. 1995 წლიდან 2017 წლამდე ხელმძღვანელობდა გამოცემა Новая газета-ს. 2004 წლიდან არის დემოკრატიული პარტიის Яблоко-ს წევრი. 

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა