გუშინ იყო რეკორდული მაჩვნებელი - 26 000-ზე მეტი აცრა ჩატარდა, მაგრამ ეს არ არის საკმარისი. ჩვენ ყველამ ერთად  უნდა გადავწყვიტოთ და ჩავიტაროთ აცრა. ეს არის პირდაპირ გადარჩენა, ამის შესახებ საქართველოს პრემიერ-მინისტრმა ირაკლი ღარიბაშვილმა, სიღნაღის მუნიციპალიტეტის მერობის კანდიდატის მალხაზ ბეგიაშვილის წარდგენის ღონისძიებაზე განაცხადა.

როგორც მთავრობის მეთაურმა აღნიშნა, არ არსებობს არგუმენტი, რატომ არ უნდა აიცრას ადამიანი.

 „ამ ფონზე, როდესაც ჩვენ გვაქვს ძალიან ძლიერი, ორნიშნა ეკონომიკური ზრდა, ჩვენ უნდა შევინარჩუნოთ აღნიშნული ტემპი და ეკონომიკის აღდგენას უნდა შევუწყოთ ხელი, თუმცა ამ ყველაფერს აფერხებს ეპიდემიოლოგიური სიტუაცია. მთავრობამ ყველაფერი გააკეთა იმისთვის, რომ ეპიდემიოლოგიურ სიტუაციის გასაუმჯობესებლად და პანდემიის დასამარცხებლად შემოეტანა ვაქცინები და ჩვენ ეს ვაქცინები შემოვიტანეთ. დაახლებით სამი მილიონი ვაქცინა დღეს საქართველოშია. ამისთვის საჭიროა ძალიან მარტივი აცრის ჩატარება. გუშინ იყო რეკორდული მაჩვნებელი - 26 000-ზე მეტი აცრა ჩატარდა, მაგრამ ეს არ არის საკმარისი. ჩვენ ყველამ ერთად  უნდა გადავწყვიტოთ და ჩავიტაროთ აცრა. ეს არის პირდაპირ გადარჩენა იმიტომ, რომ მოქალაქეებს სიკვდილისგან იცავს აცრა და კიდევ ერთხელ ვიმეორებ, რომ არ არსებობს არგუმენტი, რატომ არ უნდა აიცრას ადამიანი. ვინაიდან ეს არის ძალიან ინდივიდუალური და ყველა ადამიანში ინდივიდუალურად ვითარდება და პროგრესირებს აღნიშნული ვირუსი, არავინ იცის, როგორ დასრულდება. სამწუხაროდ, ბევრი ჯანმრთელი ადამიანის გარდაცვალება გამოიწვია ამ ვირუსმა. ამიტომ, მინდა კიდევ ერთხელ ვისარგებლო შემთხვევით და ყველას მოგიწოდოთ ვაქცინაციის პროცესში ჩართულობისკენ. მთავრობა ყველაფერს აკეთებს იმისთვის, რომ მაქსიმალურად გაუმარტივოს მდგომარეობა ჩვენს მოქალაქეებს, შევქმენით, გავაფართოვეთ ვაქცინაციის პუნქტები, კიდევ ვამატებთ აღნიშნულ პუნქტებს, შეიქმნა და მომდევნო დღეების განმავლობაში კიდევ მეტი მასიური ვაქცინაციის დიდი ცენტრები შეიქმნება, სადაც  მოქალაქეებს ყოველგვარი ჩაწერის და რეგისტრაციის გარეშე შეუძლიათ მისვლა და ვაქცინაციის ჩატარება", - განაცხადა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე