2021-08-12 18:08:44, 689 ნახვა
საზოგადოება
სექტემბრიდან კვების ობიექტებში, სპა და ფიტნეს ცენტრებში, შესაძლოა მხოლოდ ვაქცინირებული პირები შეუშვან
სექტემბრიდან კვების ობიექტებში, სპა და ფიტნეს ცენტრებში, შესაძლოა მხოლოდ ვაქცინირებული პირები შეუშვან, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ განაცხადა.
„საკოორდინაციო საბჭოს დღევანდელ სხდომაზე დაავადებათა კონტროლის ეროვნული ცენტრის ხელმძღვანელმა მიმართა რეკომენდაციით, სექტემბრიდან, კვების ობიექტებში, სპა სალონებში, ფიტნესცენტრებსა და მსგავსი ტიპის დაწესებულებებში, პირთა დაშვება შესაძლებელი გახდეს ვაქცინით ერთი აცრის ან სრული კურსის, ბოლო 72 საათში ჩატარებული პისიარ ან ბოლო 24 საათში ჩატარებული სწრაფი ანტიგენის ტესტის უარყოფითი პასუხის საფუძველზე. საბჭო აღნიშნულ საკითხზე იმსჯელებს და მიღებული გადაწყვეტილებების შესახებ საზოგადოებას ეცნობება”,-განაცხადა გიორგი ღიბრაძემ.
ავტორი: ექსპრესნიუსი,
epn.ge (@expressnews.ge)
