2021-07-29 12:11:32, 880 ნახვა

---

ვიოლა ფონ კრამონი - „ნაცმოძრაობამ“ დოკუმენტზე ხელმოწერის პროცესიც კი არ დაიწყო, რითიც „ოცნებას“ ხელმოწერის გაუქმება გაუადვილა

„ნაციონალურ მოძრაობას“ 19 აპრილის შეთანხმების ხელმოწერის პროცესიც კი არ დაუწყია. მათ „ქართულ ოცნებას“ თავიანთი ხელმოწერის ანულირება გაუადვილეს. - ამის შესახებ ევროპარლამენტარი ვიოლა ფონ კრამონი „ტვიტერში“ წერს, სადაც ის აშშ-ის სენატის საგარეო საქმეთა კომიტეტის წევრ ჯიმ რიშის განცხადებას აზიარებს.

,,მართალია. სამწუხაროდ, იგივე ითქმის უმსხვილეს ოპოზიციურ პარტიაზე ,,ნაციონალურ მოძრაობაზე'', რომელმაც 19 აპრილის ერთობლივი შეთანხმებაზე ხელის მოწერის მცდელობა არ ჰქონია. მათ,,ქართულ ოცნებას''  თავიანთი ხელმოწერის ანულირება გაუადვილეს . მართალია, რომ ამ გადაწყვეტილებებით საქართველოს მოსახლეობა კიდევ უფრო დაზარალდება''. - წერს ევროპარლამენტარი.

ამერიკელი სენატორი, საგარეო ურთიერთობათა კომიტეტის წევრი ჯიმ რიში „ქართული ოცნების“ მიერ 19 აპრილის შეთანხმების ანულირებასთან დაკავშირებით ტვიტერზე წერს.

,,ქართული ოცნების გადაწყვეტილება გავიდეს 19 აპრილის შეთანხმებიდან, მთავრობისგან პასუხისმგებლობის მოხსნაა და როგორც ჩანს, მიუთითებს იმაზე, რომ პარტიას მხოლოდ საკუთარი მომავალი აინტერესებს - და არა მთელი ქვეყნის. საქართველოს მოსახლეობა უკეთესს იმსახურებს.'' - აქვეყნებს რიში სოციალურ ქსელში.

შეგახსენებთ, „ქართულმა ოცნებამ“ 19 აპრილის შეთანხმება ანულირებულად გამოაცხადა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი