რუსთაველის გამზირზე, სადაც გზის სავალი ნაწილი დაზიანდა, თბილისის მერიის შესაბამისი სამსახურების წარმომადგენლები იმყოფებიან. - ინფორმაციას თბილისის მერია ავრცელებს.

მათივე ინფორმაციით, მიმდინარე სამუშაოებს დედაქალაქის მერის მოადგილე ირაკლი ბენდელიანი, თბილისის მერიის ინფრასტრუქტურის განვითარების საქალაქო სამსახურის უფროს გიორგი აბუთიძესა და მთაწმინდის რაიონის გამგებელ დავით კირკიტაძესთან ერთად გაეცნო.  

თბილისის მერის მოადგილის განცხადებით, აღნიშნული ტერიტორია უმოკლეს ვადაში სრულად მოწესრიგდება და ტრანსპორტის მოძრაობაც აღდგება.

„რუსთაველის გამზირზე, კომპანია „ჯორჯიან უოთერ ენდ ფაუერის“ (GWP) 600-მილიმეტრიანი მილი დაზიანდა, რამაც გზის სავალი ნაწილის დაზიანება გამოიწვია. უკვე მიმდინარეობს აღდგენითი სამუშაოები, მობილიზებულია ტექნიკა. სამუშაოების გამო და იმის გათვალისწინებით, რომ დაზიანება სასმელი წყლის მილზეა, მთაწმინდის რაიონის მოსახლეობის გარკვეულ ნაწილს წყალმომარაგება შეეზღუდება. აქ GWP-ის მილის გარდა, სხვა პროვაიდერი კომპანიების კომუნიკაციებიცაა. პირველი რიგის სამუშაოა, რომ კონკრეტულად, ეს დაზიანება აღმოიფხვრას. ამის შემდგომ კი, უკვე პროვაიდერი კომპანიების მიერ თავიანთი ქსელების შემოწმება მოხდება. შესაძლოა, ისინიც იყოს დაზიანებული, თუმცა, აღნიშნული ტერიტორია უმოკლეს ვადაში სრულად მოწესრიგდება და მოძრაობაც აღდგება“, - აღნიშნა ირაკლი ბენდელიანმა.   

ადგილზე იმყოფება „ჯორჯიან უოთერ ენდ ფაუერის“ ტექნიკური დირექტორი ზურაბ ალფაიძე, რომლის განცხადებითაც, მთაწმინდის მოსახლეობის ნაწილს წყალმომარაგება სამუშაოების დასრულების შემდეგ, სავარაუდოდ, გვიან ღამით აღუდგება.

„ჩვენი მაგისტრალური წყალმომარაგების ქსელი ავარიულად დაზიანდა. დაზიანების მომენტშივე, დაიკეტა წყალმომარაგების ჩამკეტ-მარეგულირებელი ურდულები. ამჟამად, მიმდინარეობს დაზიანებული ადგილის დადგება, ასევე, საძიებო და მოსამზადებელი სამუშაოები, იმისთვის, რომ დაზიანების აღმოფხვრა მოხდეს. ეს მაგისტრალური მილსადენი მთაწმინდის რაიონის ნაწილს ამარაგებს. შესაბამისად, დაზიანების აღდგენამდე, აღნიშნულ არეალში წყალმომარაგება შეზღუდული იქნება“, - განაცხადა ზურაბ ალფაიძემ.

კომპანია „ჯორჯიან უოთერ ენდ ფაუერის“ წყალსადენის ქსელზე დაზიანების შედეგად, მთაწმინდის რაიონში, რუსთაველის გამზირისა და ძმები კაკაბაძეების ქუჩის კვეთაზე, გზის სავალი ნაწილი ჩავარდა. ადგილზე მობილიზებულია შესაბამისი ტექნიკა და დაწყებულია დაზიანების აღდგენის სამუშაოები. გზის სავალ ნაწილს კომპანია დაზიანების აღმოფხვრის შემდეგ აღადგენს.

ავტორი: NS (სტატია დაფინანსებულია),

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს