საზღვაო ტრანსპორტის სფეროში კვალიფიციური ადამიანური რესურსის მომზადების, არსებული სპეციალისტებისათვის კვალიფიკაციის დადასტურების მხარდაჭერისა და ამ მიმართულებით განათლების ხარისხის გაზრდის მიზნით, საქართველოს საზღვაო ტრანსპორტის სააგენტოსა და სსიპ განათლების ხარისხის განვითარების ეროვნული ცენტრს შორის ურთიერთთანამშრომლობის მემორანდუმი გაფორმდა.

„ჩვენ საზღვაო ტრანსპორტის სააგენტოსთან ვთანამშრომლობთ ბევრი წელია და გვაქვს ძალიან ნაყოფიერი თანამშრომლობის მაგალითები, მაგრამ დღეს, დღევანდელი მემორანდუმი კიდევ ერთხელ ცხადყოფს და არის დასტური იმისა, რომ ჩვენი მთავარი მიზანია საზღვაო მიმართულებით მომზადებული კადრები ეს არის პროფესიული განათლება, თუ უმაღლესი განათლება, იყოს შესაბამისი კვალიფიკაციის, შესაბამისი კომპეტენციის და კონკურენტუნარიანი, როგორც ადგილობრივ ისე საერთაშორისო ბაზარზე, ამიტომ ამ მიმართულებით მემორანდუმში საკუთარი როლები გავქვს ნანახი და დანაწილებული, რომ ამ ძალიან მნიშვნელოვან მიზანს ერთობლივად მივაღწიოთ,"- აღნიშნა სსიპ განათლების ხარისხის განვითარების ეროვნული ცენტრის დირექტორმა, თამარ მახარაშვილმა.

მხარეები სხვადასხვა მიმართულებით გეგმავენ თანამშრომლობას, მათ შორის:  საზღვაო სფეროში პროფესიული და უმაღლესი კვალიფიკაციების განახლების, ასევე ახალი კვალიფიკაციების ფორმირებისა და დანერგვის, საგანმანათლებლო დაწესებულებების შესაძლებლობების გაძლიერების, საზღვაო სფეროში პროფესიული საგანმანათლებლო სტანდარტების და უმაღლესი განათლების დარგობრივი მახასიათებლების შემუშავებისა და განვითარების მიმართულებით.

„ჩვენი თანამშრომლობა განათლების ხარისხის ეროვნულ ცენტრთან უკვე გადავიდა სხვა ეტაპზე, სადაც ჩვენ ვგეგმავთ როგორც უმაღლესი საგანმანათლებლო პროგრამების მიმართულებით, ასევე პროფესიული სწავლების მიმართულებით უფრო ღრმა თანამშრომლობას და აქ არ შემიძლია არ აღვნიშნო ის სიახლეები, რაც ჩვენ წელს გვაქვს. ეს არის ბათუმის სახელმწიფო საზღვაო აკადემიის ფოთის ფილიალი, სადაც უკვე 10 პროგრამა გავქვს ავტორიზებული და შესაბამისად სექტემბრიდან ველოდებით ახალ ნაკადებს," - განაცხადა საზღვაო ტრანსპორტის სააგენტოს ხელმძღვანელმა, თამარ იოსელიანმა მომავალი თანამშრომლობის გეგმებთან დაკავშირებით.

საზღვაო ტრანსპორტის სააგენტოს დირექტორის თქმით, ერთობლივი სამუშაო ჯგუფების მუშაობა გააძლიერებს კოორდინაციას ამ ორგანიზაციებს შორის და ერთმანეთის გამოცდილების გაზიარებასთან ერთად მნიშვნელოვნად შეუწყობს ხელს საზღვაო განათლების ხარისხის ამაღლებას.

მემორანდუმს ხელი საზღვაო ტრანსპორტის სააგენტოს დირექტორმა თამარ იოსელიანმა და სსიპ განათლების ხარისხის განვითარების ეროვნული ცენტრის დირექტორმა თამარ მახარაშვილმა მოაწერეს.

ავტორი: NS (სტატია დაფინანსებულია),

სოციალური ქსელები

სტრასბურგის სასამართლომ რუსეთს პასუხისმეგებლობა დააკისრა საქმეზე, რომელიც გიორგი ანწუხელიძესა და სხვა მეომრებს ეხება

"ქართულმა ოცნებამ" ევროსასამართლოში გამოხატვის თავისუფლების საქმეზე დავა წააგო

ტატა ხვედელიანი ოცნებას: თქვენ დღეს ქალების მომჩივანი, კორუმპირებული, მოძალადე კაცების პარტია გახდით

ოპოზიციამ საქართველოში არსებული ვითარება იტალიის საგარეო საქმეთა მინისტრის მოადგილესთან შეხვედრაზე განიხილა