2021-07-07 14:03:33, 873 ნახვა
პოლიტიკა
ევროკომისარი - მოხარული ვარ დეპუტატების პარლამენტში დაბრუნებით, სწორედ აქ უნდა იმართებოდეს დებატები
ევროკავშირის კომისარი სამეზობლო პოლიტიკისა და გაფართოების საკითხებში, ოლივერ ვარჰეი საქართველოს პარლამენტის თავმჯდომარე, კახა კუჭავასთან და პოლიტიკური პარტიების ლიდერებთან შეხვედრაზე სოციალურ ქსელში წერს.
ევროკომისარი ოპოზიციური პარტიების საპარლამენტო საქმიანობაში ჩართვას ეხმაურება და აცხადებს, რომ მოხარულია მათი პარლამენტში დაბრუნებით.
„მოხარული ვარ, რომ დეპუტატები პარლამენტში დაბრუნდნენ, სწორედ აქ უნდა იმართებოდეს დებატები. ახლა ყველა პოლიტიკურმა მხარემ ხელი უნდა მოაწეროს 19 აპრილის პოლიტიკურ შეთანხმებას და ერთად იმუშაონ მის განსახორციელებლად“, - წერს ევროკომისარი.
ავტორი: ექსპრესნიუსი,
epn.ge (@expressnews.ge)
