მაისის და ივნისის მაჩვენებლების გათვალისწინებით, 2021 წლის რეალური ეკონომიკური ზრდის პროგნოზი 7,7%-ს, ხოლო მთლიანი შიდა პროდუქტის ნომინალური მაჩვენებელი 57,2 მლრდ ლარს შეადგენს, - ამის შესახებ განცხადება ფინანსთა მინისტრმა, ლაშა ხუციშვილმა მთავრობის სხდომაზე გააკეთა, სადაც მან 2021 წლის ბიუჯეტში ცვლილებების პროექტი წარადგინა.

როგორც მან აღნიშნა, ბიუჯეტის ცვლილებები მიმართულია  სამი  ძირითადი მიზნის მიღწევაზე. ესენია დეფიციტის შემცირება, ეკონომიკური აღდგენის ხელშეწყობა, ასევე COVID-19-ის მართვა და მასთან დაკავშირებული ჯანმრთელობის დაცვის ღონისძიებები.

მისი თქმით, ბიუჯეტში მომზადებული ცვლილებების მიხედვით, საბიუჯეტო დეფიციტის მაჩვენებელი მცირდება მშპ-ს 6,9%-მდე, ხოლო მთავრობის ვალის მაჩვენებელი მშპ-ს 54,6 პროცენტამდე.

„იმის გათვალისწინებით, რომ 2021 წლის თავდაპირველი ბიუჯეტი ძირითადად ანტიკრიზისული ღონისძიებების დაფინანსებაზე იყო ორიენტირებული, წარმოდგენილი ცვლილებებით, გათვალისწინებულია ეკონომიკის აღდგენის ხელშემწყობი პროგრამების დაფინანსების გაზრდა.  ბიუჯეტის ცვლილებები ითვალისწინებს, როგორც ინფრასტრუქტურული პროექტების დაფინანსების ზრდას, ასევე სოფლის მეურნეობის და ეკონომიკის მწარმოებლური სექტორის ხელშემწყობი პროგრამების დაფინანსებას", - აღნიშნა ფინანსთა მინისტრმა, ლაშა ხუციშვილმა.

მისი ინფორმაციით, ბიუჯეტის ცვლილებების პროექტში დამატებითი თანხებია გათვალისწინებული ინფიცირებულთა მკურნალობის, ვაქცინაციის და ზოგადად პანდემიის მართვისთვის საჭირო ხარჯების დასაფინანსებლად.

„აღნიშნული პარამეტრები დაფუძნებულია ეკონომიკის განვითარების საბაზისო სცენარზე (მშპ ზრდა 7,7%), თუმცა ბიუჯეტთან ერთად წარმოდგენილია ოპტიმისტური სცენარიც, რომლის რეალიზების ალბათობაც საკმაოდ მაღალია. ოპტიმისტური სცენარის მიხედვით, ეკონომიკური ზრდა გადააჭარბებს 10%-ს და ნომინალურ გამოხატულებაში 58,8 მლრდ ლარს მიაღწევს. ამავდროულად, კიდევ უფრო შემცირდება ბიუჯეტის დეფიციტი და ვალის მაჩვენებელი მშპ-სთან. კერძოდ, ბიუჯეტის დეფიციტი იქნება მშპ-ს 6,2%-ის, ხოლო მთავრობის ვალი მშპ-ს 53,1%-ის ფარგლებში," - განაცხადა ფინანსთა მინისტრმა, ლაშა ხუციშვილმა.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია