დედაქალაქის მერის მოადგილის, ილია ელოშვილის განცხადებით, თბილისის მასშტაბით, დაუმთავრებელ მშენებლობებთან დაკავშირებული საკითხების განმხილველი კომისიის მიერ 33 ობიექტზე უკვე გაიცა რეკომენდაცია და ნებართვების აღების პროცესი მიმდინარეობს.

როგორც მან თბილისის ჯანდაცვისა და სოციალური პოლიტიკის ანგარიშზე აღნიშნა,  33 ობიექტიდან 18 მისამართზე სამშენებლო პროცედურები უკვე დაწყებულია.  

„ჩონჩხებს“, რომლებიც ქალაქშია, თვალი მივაჩვიეთ, თითქოს, ისინი ქალაქის შემადგენელი ნაწილნი გახდნენ, თუმცა, ეს დაუმთავრებელი მშენებლობები უდიდესი საფრთხის შემცვლელია, როგორც სანიტარიული, ასევე, უსაფრთხოების კუთხით და ქალაქის იერსახეს ამახინჯებს. ამ ყველაფრის უკან კი დიდი სოციალური ტრაგედია დგას. არიან ოჯახები, რომელთაც სავარაუდოდ, ცხოვრებაში ერთხელ ჰქონდათ შესაძლებლობა, საკუთარი ბინის შეძენის, თანხა შეიტანეს და მოტყუებული დარჩნენ. 13 000 ოჯახია დაზარალებული, მათ შორის, დიდი ნაწილი ემიგრანტები არიან. ჩვენი მთავარი ამოცანა თავიდანვე იყო ის, რომ მიუხედავად ურთულესი პრობლემისა, არცერთი დაუსრულებელი მშენებლობა არ იყოს ქალაქში. ამისთვის შევქმენით სპეციალური კომისია და დავიწყეთ მუშაობა. აქ მინდა გამოვყო დედაქალაქის საკრებულოს როლი, რადგან ეს კომისია ერთობლივია. კომისიამ 33 დაუმთავრებელ სამშენებლო ობიექტზე უკვე გასცა რეკომენდაციები და ნებართვების აღების სტადიაშია.  აქედან 18 მისამართზე სამშენებლო პროცესი და პროცედურები უკვე დაწყებულია“, - განაცხადა თბილისის მერის მოადგილემ.

მისივე თქმით,  მიმდინარე წლის ბოლომდე დაუმთავრებელი მშენებლობების პრობლემა 90-95%-ით მოგვარდება.

„არსებული 179 ობიექტიდან ყველაზე დიდი იყო პირველი ხუთი პროექტი, ანუ 80%-ს შეადგენს „ცენტრ პოინტის“, „სვეტის“, „ოლიმპიური ვარსკვლავის“ დაუმთავრებელი მშენებლობები, რომლებიც წლების განმავლობაში იყო გაჩერებული. დღეს, 8 362 მისამართზე უკვე მიმდინარეობს სამშენებლო ან სარემონტო პროცესები. დარჩენილ 2 000-დან 3 000-მდე დაზარალებულის დასაკმაყოფილებლადაც შესაბამის ნაბიჯებს ვდგამთ. მიმდინარეობს სანებართვო პროცედურები და დარწმუნებული ვარ, რომ წლის ბოლომდე ამ პრობლემას 90-95%-ით მოვაგვარებთ“, - აღნიშნა ილია ელოშვილმა.

ავტორი: NS (სტატია დაფინანსებულია),

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა