2021-05-24 12:55:52, 633 ნახვა
საზოგადოება
„ნამახვანჰესის“ საწინააღმდეგო აქციაზე ალექსანდრე ფალავანდიშვილი სამოქალაქო აქტივისტებს დაუპირისპირდა
რესპუბლიკის მოედანზე, სადაც „ნამოხვანჰესის“ საწინააღმდეგო აქცია მიმდინარეობს, „ქართული მარშის" წარმომადგენელი ალექსანდრე ფალავანდიშვილი სამოქალაქო აქტივისტებს დაუპირისპირდა.
ალექსანდრე ფალავანდიშვილი მოითხოვდა, რომ სამოქალაქო აქტივისტებს, რომლებსაც ლგბტ სიმბოლიკით სამაჯურები ეკეთად, ტერიტორია დაეტოვებინათ.
რესპუბლიკის მოედანზე მომხდარი ინციდენტის შემდეგ, სამოქალაქო აქტივისტებმა ტერიტორია დატოვეს.
„მოვიდა უმცროსი ფალავანდიშვილი. ვიმყოფებოდით „რიონის ხეობის მცველების“ აქციაზე, სადაც უმცროსი ფალავანდიშვილი მოვიდა და მოუწოდებდა, რომ თუ არ მოიხსნიდა სამკალურს, რომელიც სამი წელია უკეთია და უმცირესობების უფლებების სოლიდარობას ემსახურება, ამას თუ არ მოიხსნიდა, სხვადასხვანაირად მოგვექცეოდნენ, ფიზიკურად შეგვეხნენ“, - განაცხადა ზურაბ ბერძენიშვილმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
