დიასპორის დღესთან დაკავშირებით საქართველოს იუსტიციის მინისტრი, რატი ბრეგაძე ვიდეომიმართვას ავრცელებს.

როგორც მინისტრმა აღნიშნა, საქართველოს პრეზიდენტისა და პრემიერ-მინისტრის მხარდაჭერით, იუსტიციის უწყება მოქალაქეებს 2-კვირიან აქციას სთავაზობს, რომელიც მათ საჭიროებებზე იქნება მორგებული.

„ძვირფასო თანამემამულეებო, გილოცავთ დიასპორის დღეს და გისურვებთ ყოველივე საუკეთესოს. ერთიანი, ძლიერი და სამშობლოსთან მჭიდრო კავშირის მქონე დიასპორის განვითარების ხელშეწყობა სახელმწიფოს ერთ-ერთი ამოცანაა. 2017 წლის საკონსტიტუციო ცვლილებებისას საზღვარგარეთ მცხოვრებ თანამემამულეებთან კავშირის შენარჩუნებისა და განვითარების ვალდებულება ჩვენ ერთობლივად ავსახეთ საქართველოს კონსტიტუციაში. სწორედ ამის უზრუნველსაყოფად ქალბატონი პრეზიდენტის ინიციატივით და ბატონი პრემიერ-მინისტრის მხარდაჭერით იუსტიციის სამინისტრო გთავაზობთ აქციას, რომელიც 2 კვირის განმავლობაში გაგრძელდება და სპეციალურად თქვენს საჭიროებებზე იქნება მორგებული.

მე წილად მხვდა პატივი, 2 წლის განმავლობაში მემუშავა დიასპორის საკითხებზე. თქვენთან ერთად გატარებული ეს პერიოდი ჩემთვის ყოველთვის ძალიან თბილ და სასიამოვნო მოგონებებთან იქნება ასოცირებული. მინდა მადლობა გადავუხადო მტელი მსოფლიოს მასშტაბით თითოეული საკვირაო სკოლის მასწავლებელს, ჩვენი დიასპორის წარმომადგენლებს, ახალგაზრდა ელჩებს და სასულიერო პირებს, რომლებსაც ქვეყნის ფარგლებს გარეთ საქართველოს პოპულარიზაციასა და ეროვნული თვითმყოფადობის შენარჩუნებაში განუზომლად დიდი წვლილი შეაქვთ“, - განაცხადა რატი ბრეგაძემ.

ავტორი: NS (სტატია დაფინანსებულია),

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი