2021-04-29 14:39:02, 616 ნახვა
სამართალი
ადმინისტრაციული წესით დაკავებული პირის სასამართლოში წარდგენის მინიმალური ვადა 24 საათამდე მცირდება
წვრილმან ხულიგნობასა და სამართალდამცავთა დაუმორჩილებლობაზე ადმინისტრაციული პატიმრობის მინიმალური ვადა იცვლება.
საპარლამენტო უმრავლესობის გადაწყვეტილებით, ადმინისტრაციული წესით დაკავებული პირის სასამართლოში წარდგენის ვადა 48 საათიდან 24 საათამდე მცირდება.
შესაბამისი ცვლილებები „ადმინისტრაციულ სამართალდარღვევათა კოდექსში“ შევა.
კერძოდ, 166-ე მუხლს ემატება მე-2 ნაწილი, რომლის მიხედვით, წვრილმანი ხულიგნობის ჩამდენი პირის მიერ ამ სამართალდარღვევის განმეორებით ჩადენა გამოიწვევს დაჯარიმებას 1500-დან 2000 ლარამდე, ან 7-დან 15 დღემდე ადმინისტრაციულ პატიმრობას.
ავტორი: ექსპრესნიუსი,
epn.ge (@expressnews.ge)
