ორგანიზაცია „ალტერნატივას“ ლიდერის, ალექსანდრე პაიკიძის განცხადებით, 17 აპრილს, მთავრობის ადმინისტრაციასთან რიონის ხეობის მცველების მხარდამჭერი სოლიდარობის აქცია გაიმართება.

როგორც მან დღევანდელ ბრიფინგზე აღნიშნა, ეს არ იქნება ერთდღიანი აქცია და პროტესტი გაგრძელდება იქამდე, ვიდრე საკითხის ცივილური ფორმებით გადაწყვეტა.

„შაბათს, 18.00 საათზე, მთავრობის ადმინისტრაციასთან რიონის მცველების მხარდამჭერი სოლიდარობის აქცია გაიმართება. ეს არ გახლავთ ერთი რომელიმე ორგანიზაციის აქცია, აბსოლუტურად სახალხო იქნება იმ ხალხის მხარდაჭერა, რომელთა უფლებები უკვე რამდენიმე თვეა იზღუდება. ყველას მოგიწოდებთ მობრძანდეთ, გამოვუცხადოთ ჩვენი სოლიდარობა. ეს არ იქნება ერთდღიანი აქცია, ეს პროტესტი გაგრძელდება, ვიდრე რიონის ხეობის მცველები და სახელმწიფო არ დაუბრუნდება იმ პირობებს და მოთხოვნებს, რომელიც ხეობის მცველებმა დააყენეს, საუბარია დიალოგზე. შესაბამისად, ეს ერთდღიანი პროცესი არ იქნება. შაბათს დაიწყება და გაგრძელდება იქამდე, ვიდრე არ მოხდება ამ საკითხის ნორმალური, ცივილური ფორმებით გადაწყვეტა“, - განაცხადა ალექსანდრე პაიკიძემ.

შეგახსენებთ, რომ „ნამახვანჰესის“ პროექტის მშენებლობის წინააღმდეგ რიონისპირა სოფლების მცხოვრებლებმა საზოგადოებრივი მოძრაობა „რიონის ხეობის გადარჩენისთვის“ დააფუძნეს და გიგანტური ჰესის მშენებლობას ამ დრომდე აპროტესტებენ.

ავტორი: ექსპრესნიუსი,

სოციალური ქსელები

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს

Global Finance-მა BOG 2026 წლის საუკეთესო Sub-Custodian ბანკად დაასახელა ქვეყანაში

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე