გახარია რეალურად ბიძინა ივანიშვილის პროექტია, - ამის შესახებ „ნაციონალური მოძრაობის“ წევრმა, თინა ბოკუჩავამ განაცხადა, რითაც გიორგი გახარიას გუნდის მიერ „ქართული ოცნების“ დატოვების საკითხს გამოეხმაურა.

როგორც მან აღნიშნა, ივანიშვილი გახარიას გამოყენებით მისთვის ნანატრ ოპოზიციას ქმნის.

„თქვენ გახსოვთ ივანიშვილის განცხადებები იმასთან დაკავშირებით, რომ თუ საჭირო გახდებოდა ის თავად შექმნიდა ოპოზიციას. ჩვენ დღეს ვხედავთ, რომ გიორგი გახარიას გამოყენებით ის ქმნის სწორედ მისთვის ნანატრ ოპოზიციას, რაც დამახასიათებელია ავტოკრატული რეჟიმებისთვის.

გახარია რეალურად არის ბიძინა ივანიშვილის პროექტი, რომელმაც დაინახა, რომ ღარიბაშვილი-კობახიძის ამარა ვერ დარჩებოდა მომავალი არჩევნებისთვის და შესაბამისად, ავანსცენაზე „ქართული ოცნება 2“-ით შეგვიძლია ვთქვათ, რომ გამოიყვანა გიორგი გახარია“, - განაცხადა თინა ბოკუჩავამ.

ცნობისთვის, „ქართული ოცნების“ ექვსმა დეპუტატმა პარტია დატოვა. ისინი პოლიტიკურ საქმიანობას ყოფილი პრემიერის, გიორგი გახარიას გუნდში გააგრძელებენ.

ავტორი: ექსპრესნიუსი,

სოციალური ქსელები

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა

Bloomberg: რუსეთის საწვავის კრიზისმა გავლენა მოახდინა ცენტრალურ აზიაზე

სოციალურ ქსელში კალაძეზე დაწერილი კომენტარის გამო მოქალაქე 2 000 ლარით დააჯარიმეს