ეუთო-ს წევრმა სახელმწიფოებმა უკრაინის საზღვრებთან რუსეთის ჯარების მობილიზებაზე შეშფოთება გამოხატეს და დაგმეს აღნიშნული, - ამის შესახებ ინფორმაციას უკრაინული მედია ავრცელებს.

მედიის ინფორმაციით, აღნიშნულზე ეუთო-ში 10 აპრილის შეხვედრაზე იმსჯელეს, რომელიც უკრაინული მხარის ინიციატივით გაიმართა. 

აღსანიშნავია, რომ რუსეთმა, რომელსაც აღმოსავლეთ უკრაინაში ქმედებების შესახებ განმარტება უნდა გაეკეთებინა, შეხვედრაში მონაწილეობაზე უარი განაცხადა.

პორტუგალიამ ევროკავშირის სახელით შეშფოთება გამოხატა აღმოსავლეთ უკრაინაში უსაფრთხოების მდგომარეობის გაუარესსებისა და უკრაინის საზღვარზე, ასევე ოკუპირებულ ყირიმში რუსული ჯარების გადაადგილების გამო.

დიდმა ბრიტანეთმა „მეტი გამჭვირვალობა“ მოითხოვა რუსეთის არმიის ქმედებებთან დაკავშირებით და გამოხატა შეშფოთება მოსკოვის გადაწყვეტილების შესახებ, რომელმაც შეხვედრაში მონაწილეობაზე უარი თქვა. 

უკრაინული მედიის ინფორმაციით, მსგავსი პოზიციები და უკრაინის სუვერენიტეტისა და ტერიტორიული მთლიანობის მიმართ მხარდაჭერა ასევე გამოხატეს საქართველომ, პოლონეთმა, ლატვიამ, ლიეტუვამ და თურქეთმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.