2021-04-06 12:11:07, 759 ნახვა

---

სალომე სამადაშვილი - ჩვენი წინადადებაა, საზოგადოებრივმა გამოკითხვამ გადაწყვიტოს, ჩატარდეს თუ არა ვადამდელი არჩევნები

ცხადია, რომ საზოგადოებრივი აზრი გაყოფილია და ფაქტობრივად, ნახევარზე მეტ ამომრჩეველს სურს ქვეყანაში ვადამდელი არჩევნების ჩატარება, - ამის შესახებ „ნაციონალური მოძრაობის“ ერთ-ერთმა წევრმა, სალომე სამადაშვილმა განაცხადა.

როგორც სალომე სამადაშვილმა გუშინ გამოქვეყნებული IRI-ის კვლევაზე საუბრისას აღნიშნა, ოპოზიციის წინადადებაა, ჩატარდეს პლებისციტი და საზოგადოებრივმა გამოკითხვამ გადაწყვიტოს, ჩატარდება თუ არა ქვეყანაში რიგგარეშე არჩევნები.

„საზოგადოებას ცხადია ურჩევნია, რომ ოპოზიცია წარმოდგენილი იყოს პარლამენტში, ამავე დროს ცხადია, რომ საზოგადოებრივი აზრი ძალიან აშკარად არის გაყოფილი და ფაქტობრივად, ნახევარზე მეტ ამომრჩეველს სურს, რომ ქვეყანაში ჩატარდეს ახალი, ვადამდელი არჩევნები. ჩვენი წინადადებაა, რომ ჩატარდეს პლებისციტი და საზოგადოებრივმა გამოკითხვამ გადაწყვიტოს, ჩატარდეს თუ არა ქვეყანაში ვადამდელი არჩევნები, ეს იქნება ამ შემთხვევაში ყველაზე სწორი გამოსავალი“, - განაცხადა სალომე სამადაშვილმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი