რუსეთის საგარეო საქმეთა მინისტრის ყოფილი მოადგილე და ფედერაციის საბჭოს წევრი გრიგორი კარასინი საქართველოში რუსი ჟურნალისტის, ვლადიმერ პოზნერის ვიზიტის გარშემო განვითარებულ მოვლენებს ეხმაურება.

როგორც კარასინი აღნიშნავს, „ქართველი რადიკალების ქმედება შეაძლოა იყოს მიზანმიმართული ანტირუსული პროვოკაცია, რომელიც მიმართულია ორ ქვეყანას შორის ურთიერთობების ხელშეშლისკენ“.

„ამ სამარცხვინო სიტუაციამ კიდევ ერთხელ გამოააშკარავა სასტიკი დაპირისპირება ქართველი რადიკალების მხრიდან, რომლებიც სააკაშვილის პარტიის, „ნაციონალური მოძრაობის“ წევრები არიან, ისინი როგორც მათ შეეფერებათ, თავხედურად იქცეოდნენ და როგორც ყოველთვის, არღვევდნენ ადამიანური ურთიერთობების ეთიკას“, - განაცხადა გრიგორი კარასინმა.

გრიგორი კარასინი საქართველოს პრემიერ-მინისტრის, ირაკლი ღარიბაშვილის განცხადებასაც გამოეხმაურა.

„პრემიერ-მინისტრმა ირაკლი ღარიბაშვილმა უკვე მისცა შეფასება მომხდარ ფაქტს. ირაკლი ღარიბაშვილმა რადიკალები შეაფასა დეგრადირებულ ჯგუფად, რომლებთანაც შეუძლებელია ცივილიზებული დიალოგი“, - დასძინა გრიგორი კარასინმა.

შეგახსენებთ, რომ ვლადიმირ პოზნერი და მისი მეგობრები თბილისში გუშინ, 31 მარტს დაბადების დღის აღსანიშნავად ჩამოვიდნენ. ისინი ქვეყანაში დარჩენას 3 აპრილამდე გეგმავდნენ, თუმცა სამოქალაქო აქტივისტების პროტესტის გამო, ქვეყანა დაგეგმილზე ადრე, დღეს დილით დატოვეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის