2021-04-01 10:16:40, 671 ნახვა

---

რუსეთიდან ჩამოსული 32 პირი, მათ შორის ვლადიმერ პოზნერი, იზოლაციისა და კარანტინის წესების დარღვევისთვის დააჯარიმეს

შინაგან საქმეთა სამინისტრომ რუსეთიდან ჩამოსული 32 პირი, მათ შორის ჟურნალისტი ვლადიმერ პოზნერი, იზოლაციისა და კარანტინის წესის დარღვევის გამო დააჯარიმა.

აღნიშნული ინფორმაცია „ექსპრესნიუსს“ უწყებაში დაუდასტურეს.

მათივე ცნობით, 41 პირიდან, რომელიც საქართველოში ვლადიმერ პოზნერის დაბადების დღის აღსანიშნავად იყო ჩამოსული, 9 პირს იზოლაციისა და კარანტინის წესები არ დაურღვევია.

შეგახსენებთ, რომ რუსი ჟურნალისტი, ვლადიმერ პოზნერი საქართველოში მეგობრებთან ერთად, დაბადების დღის აღსანიშნავად გუშინ ჩამოვიდა, რასაც სამოქალაქო აქტივისტების პროტესტი მოჰყვა. აღნიშნულის შედეგად, ვლადიმერ პოზნერი და მისი სტუმრები, რომლებიც საქართველოში 3 აპრილამდე უნდა დარჩენილიყვნენ, დროზე ადრე, ჩარტერული რეისით, დღეს დილით გაფრინდნენ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი