ჯანდაცვის მინისტრის მოადგილის, თამარ გაბუნიას განცხადებით, უწყებაში დღეს იმსჯელებენ, გაგრძელდება თუ არა ქვეყანაში ვაქცინაციის პროცესი

მისი თქმით, აღნიშნულის თაობაზე ჯანდაცვის სამინისტროში იმუნიზაციის ექსპერტთა ჯგუფი და გვერდითი მოვლენების მართვის კომიტეტი შეიკრიბება.

„დღეს სამინისტროში შეიკრიბება იმუნიზაციის ექსპერტთა ჯგუფი და გვერდითი მოვლენების მართვის კომიტეტი, რომელიც მიიღებს გადაწყვეტილებას ვაქცინაციის პროცესის შემდგომი გაგრძელებისა და ფორმატის თაობაზე.

დღევანდელი შემთხვევის შესწავლის პროცესი არ იქნება ხანგრძლივი. ამას შეიძლება 24 საათი დასჭირდეს და ამას ჩვენ უმოკლეს ვადაში გავაკეთებთ და ჩავრთავთ ასევე ჯანმო-ს საერთაშორისო კომიტეტსაც, რადგან ამ ტიპის შემთხვევები ექვემდებარება საერთაშორისო ანგარიშგებას. ჩვენ მოვითხოვთ მათ ჩართულობასაც, თუმცა იმასთან დაკავშირებით, თუ რამდენად მიზანშეწონილად მიგვაჩნია პროცესის გარკვეული პერიოდით გადავადება, ვიდრე არ გვექნება ზუსტი პასუხი გამოკვლევის შედეგიდან გამომდინარე, ამაზე დღეს ვიმსჯელებთ და ესეც საზოგადოებისთვის გახდება ცნობილი დღის ბოლომდე“, - განაცხადა თამარ გაბუნიამ.

ცნობისთვის, დაავადებათა კონტროლის ეროვნულმა ცენტრმა დღეს საქართველოში ვაქცინაციის პროცესში პირველი სერიოზული გვერდითი რეაქციის შესახებ განაცხადა. კერძოდ, ახალციხეში, კლინიკა „იმედში“ ერთ-ერთი სამედიცინო მუშაკი სავარაუდოდ, ვაქცინაციის გამო, კომაში ჩავარდა. ამ დროისთვის, პაციენტის მდგომარეობა მძიმეა. მას მკურნალობა რეანიმაციულ განყოფილებაში უტარდება. შესაბამისი უწყების მხრიდან ფაქტის შესწავლა დაწყებულია.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს