2021-03-18 17:43:44, 1653 ნახვა

---

ამირან გამყრელიძე - საქართველოში ვაქცინაციის პროცესში პირველი სერიოზული გვერდითი რეაქცია დაფიქსირდა

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველოში ვაქცინაციის პროცესში პირველი სერიოზული გვერდითი რეაქცია დაფიქსირდა.

როგორც გამყრელიძემ განმარტა, ყველაზე სერიოზული გვერდითი რეაქცია ანაფილაქსიური რეაქციაა, რომელიც ინექციიდან 15-30 წუთში ვლინდება.

„ბრიფინგის მიზანია, რომ შეგატყობინოთ პირველი სერიოზული გვერდითი რეაქცია, გართულება ვაქცინაციის პროცესის. მოგეხსენებათ, რომ ვაქცინაცია და ნებისმიერი წამალი არ გახლავთ დაზღვეული გვერდითი მოქმედებებისგან, ვაქცინებზე, ზოგადად არსებობს მსუბუქი გვერდითი მოქმედებები და სერიოზული გვერდითი მოქმედებები. ყველაზე სერიოზული გვერდითი მოქმედება, რომელიც ვითარდება სწრაფად ვაქცინის ან წამლის შეყვანის შემდეგ, ეს გახლავთ ანაფილაქსიური ვითარება, რომელიც ინექციიდან 15-20 წუთში ვითარდება“, - განაცხადა ამირან გამყრელიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი