ფარული აუდიოჩანაწერების გავრცელების საქმეზე, ტელეკომპანია „პირველის“ საინფორმაციო სამსახურის უფროსი, ნოდარ მელაძე საქალაქო სასამართლოში, მაგისტრი მოსამართლის წინაშე დაიკითხა.

როგორც ნოდარ მელაძემ დაკითხვის შემდეგ, ჟურნალისტებს განუცხადა, პროკურატურის განზრახვა ერთადერთია, რომ დაადგინოს ინფორმაციის წყარო.

მისივე თქმით, პროკურატურას ტელეკომპანია ჩანაწერებს იმ შემთხვევაში გადასცემს, თუ ისინი დაიწყებენ გამოძიებას სავარაუდო დანაშაულთან დაკავშირებით იმ ადამიანების მიმართ, რომლებიც ფარულ აუდიოჩანაწერებში ფიგურირებენ.

„პროკურატურის განზრახვა არის ერთადერთი, რომ გაარკვიონ, ვინ არის წყარო. საკმაოდ მძიმე საუბარი იყო გამოკითხვის დროს. კითხვები ეხებოდა საიდან, რა ფორმით, რომელ დღეს, რომელი მატარებლით, ვისგან - მხოლოდ ამის გარშემო ტრიალებდნენ, რომ როგორმე დაადგინონ წყარო.

მე პირდაპირ ვუთხარი პროკურატურას, რომლებიც წარმოდგენლები იყვნენ პროცესზე, რომ როგორც კი დავინახავთ განზრახვას, რომ ისინი გადააკვალიფიცირებენ მუხლს და დაიწყებენ გამოძიებას სავარაუდო დანაშაულებებთან დაკავშირებით, იმ ძალადობებზე, რომლებიც იქ იყო, რომლის ფიგურანტებიც არიან ჟურნალისტურ გამოძიებაში მოხსენიებული პირები, ჩვენ გადავცემთ მათ ჩანაწერებს იმ ფორმით, რა ფორმითაც არის ჩვენთან რედაქციაში და არა იმ ფორმით, რასაც ისინი ითხოვდნენ“, - განაცხადა ნოდარ მელაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა