აზერბაიჯანელმა ჟურნალისტმა, აფგან მუხთარლიმ ქართულ მხარეს ქვეყანაში არ შემოშვების გამო სტრასბურგის სასამართლოში უჩივლა.

მისი განცხადებით, გასული წლის ოქტომბერში მას ქვეყანაში ჩამოსვლა და გამოძიებაში მონაწილეობის მიღება სურდა, რაზეც საქართველოს ხელისუფლებამ უარი უთხრა.

სტრასბურგის სასამართლომ მუხთარლის საჩივარი წარმოებაში მიიღო და ახლა ჟურნალისტი გადაწყვეტილების მოლოდინშია.

„ქართულ მხარეს არ სურს საქმის გამოძიება რადგან დანაშაული თავად ჩაიდინეს. ამიტომ ეწინააღმდეგებიან ქვეყანაშ ჩემს შემოშვებას. პროცესი რომელსაც სამართალდამცავი ორგანოები აწარმოებენ გამოძიების იმიტაცია. გენერალურ პროკურატურას ორჯერ მივმართე რადგან ქვეყანაში ჩამოვსულიყავი და გამოძიებაში მონაწილეობა მიმეღო. ოქტომბერში არ შემომიშვეს ქვეყანაში .თალაკვაძემ მედიას განუცხადა რომ წინასაარჩევნოდ საქართველოში ჩემი ჩამოსვლა პოლიტიკურ დაპირისპირებას გამოიწვევდა მე კამპანიაში მონაწილეობაზე არც მიფიქრია. დაირღვა ჩემი უფლებები და მივმართე სტრასბურგის სასამართლოს. მათ წარმოებაში მიიღეს სარჩელი და გადაწყვეტილებას ველოდები“, - განაცხადა აფგან მუხთარლიმ.

ცნობისთვის, აზერბაიჯანელი ჟურნალისტი საქართველოსა და აზერბაიჯანის ხელისუფლებებს 2017 მაისში თბილისიდან მისი გატაცებისა და თავისუფლების უკანონოდ აღკვეთის ედავება.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო