2021-03-09 11:36:22, 525 ნახვა
პოლიტიკა
ევროპის საბჭოს პრეზიდენტი საქართველოში პოლიტიკური დიალოგის შუამავლობისთვის პირად წარმომადგენელს გზავნის
ევროპის საბჭოს პრეზიდენტი შარლ მიშელი, საქართველოში პოლიტიკური დიალოგის ფარგლებში, პირადი წარმომადგენლის სახით კრისტიან დანიელსონს გზავნის.
როგორც ევროპული საბჭოს გვერდზე გამოქვეყნებულ ინფორმაციაში ვკითხულობთ, დანიელსონი პოლიტიკურ პარტიებს შორის დიალოგის პროცესში მჭიდროდ ითანამშრომლებს საქართველოში ევროკავშირის ელჩთან, კარლ ჰარცელთან, რათა საქართველოში არსებული პოლიტიკური დაძაბულობა დაიძლიოს.
როგორც ინფორმაციაშია აღნიშნული, უახლოეს დღეებში კრისტიან დანიელსონი საქართველოში ჩამოვა, რათა პროცესში მონაწილე დაინტერესებულ მხარეებთან დიალოგში მონაწილეობა მიიღოს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
