პარლამენტთან აქციის მონაწილეებსა და სამართალდამცავებს შორის დაპირისპირება მოხდა

2021-03-02 09:39:38, 526 ნახვა

საზოგადოება

პარლამენტის ერთ-ერთ შესასვლელთან, სადაც ოპოზიციური პარტიები და სამოქალაქო აქტივისტები არიან შეკრებილნი, ცოტა ხნის წინ, ხმაური იყო.

ადგილზე სამართალდამცავებსა და აქტივისტებს შორის დაპირისპირება მოხდა.

დაპირისპირება მას შემდეგ დაიწყო, რაც სამართალდამცველებმა აქტივისტებს გზის სავალი ნაწილის გათავისუფლებისკენ მოუწოდეს. აქციის მონაწილეები სამართალდამცველების მოთხოვნას არ დაემორჩილნენ, რის შემდეგაც გარკვეულ შეხლა-შემოხლას ჰქონდა ადგილი.

სამართალდამცველებმა რამდენიმე აქტივისტი პარლამენტის მიმდებარე ტერიტორიიდან განარიდეს.

შეგახსენებთ, რომ ოპოზიციური პარტიები და მათი მხარდამჭერები დღეს პარლამენტის პიკეტირებას გეგმავენ. ისინი ხელისუფლებისგან რიგგარეშე არჩევნების დანიშვნასა და პოლიტპატიმრების გათავისუფლებას მოითხოვენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,