ნიკა მელიამ განგებ აირჩია ყველაზე პროვოკაციული გზა და უფრო მეტი ესკალაციის შეტანა პროცესში, - ამის შესახებ პარლამენტის თავმჯდომარემ, არჩილ თალაკვაძემ ჟურნალისტებთან საუბრისას განაცხადა.

მისივე თქმით, ნიკა მელიას დაკავებით სასამართლოს კანონიერი გადაწყვეტილება აღსრულდა.

მანვე დასძინა, რომ სამართალდამცველებმა ძალის გადამეტების გარეშე შეასრულეს საკუთარი მოვალეობა.

„როდესაც ამბობ, რომ ქვეყნის სამართლებრივ წესრგიზე და საკონსტიტუციო ინსტიტუტებზე თავდასხმა ნორმალურია და ამას გამოხატვის თავისუფლებად ასაღებ, ნებისმიერ დემოკრატიულ სახელმწიფოში პასუხი არის ის, რაც მოხდა ამ შსემთხვევაში, ეს არის სასამართლოს კანონიერი გადაწყვეტილების აღსრულება.

სახლმწიფო კანონის ფარგლებში იყო მაქსისმალურად კომპრომისული და ნიკა მელიას შეთავაზებული ჰქონდა მართლმსაჯულების მხრიდან გირაოს გადახდა, სხვა შემთხვეაში, მან წინასწარ იცოდა, რომ ემუქრებოდა პატიმრობა, შესაბამისად, აშკარაა, რომ მან განგებ აირჩია ყველაზე პროვოკაციული გზა და განგებ აირჩია, რომ უფრო მეტი ესკალაცია შეეტანა პროცესებში.

დღეს დავინახეთ, რომ სამართალდამცავმა სტრუქტურებმა ძალის გადამეტების გარეშე შეასრულეს თავისი მოვალეობა და მთელი საზოგადოების თვალწინ, სრულიად გამჭვირველად ჩატარდა დაკავება“, - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„საწვავის კრიზისი სოციალურ კრიზისში გადაიზრდება“ - ВЦИОМ პუტინის მოწონების რეიტინგის ყველაზე მკვეთრი ვარდნა დააფიქსირა ბოლო რვა წლის განმავლობაში

GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა

თურქეთი ერთიან ევროგადახდების სივრცეში გაწევრიანებას გეგმავს

1000 დღე ომის დაწყებიდან - თელ-ავივში მრავალათასიანი აქცია გაიმართა